比莎莎嚇到成個人都慌哂…………

星期六下午帶左莎莎去做絕育手術，
星期六夜晚至星期一早上返工前佢都好叻女，
冇去攪個開刀位同埋咬個傷口，
點知今日放工返到黎……………….
見到莎莎個喇叭頭蓋係地下，
跟住見到d紗布都係地下，
再望落去睇莎莎個傷口，
見到d線位斷左，有幾條特哂成2cm長出黎……..
又見到莎莎好唔舒服咁走黎走去，
又係到「唔唔」咁叫喎，當時真係勁驚囉，
拿拿聲打比醫生問佢點做，
醫生就叫我唔駛擔心，
因為醫生話已經預左husky會好好精力，
已經專登補多一層針線位，
佢就叫我睇下有冇穿左隆先，
如果冇就要搵消毒藥水洗傷口，
跟住我就望多次個傷口，個傷口雖然濕哂，
但就唔見有穿到咁，所以味去搵消毒藥水囉，
點知搵果時先記得上個月已經用哂消毒藥水喎，
味拿拿聲落街買囉，
返黎就慢慢幫佢洗一洗個傷口，
好彩莎莎只係咬斷左第一層線位，
第二層就冇事，但係開刀位附近d肉就比佢咬到欄哂，
跟住醫生話如果冇穿到的話，
就一定要消毒得徹底d，因為狗既口水好多細菌，
叫我要大力少少將個傷口裡面都要消毒好，
我又好鬼驚整痛佢喎，唯有慢慢同佢洗，
跟住醫生就叫我搵黃藥水幫佢查哂成個傷口，
唉~~又冇黃藥水，又拿拿聲落街買，
返到黎再搵消毒藥水再洗多幾次個傷口，
頂丫~~d綿花又用鬼哂喎，好彩差唔多消毒完，
跟住就搵黃藥水查哂個傷口，
之後再同佢包紮傷口，攪到差唔多十點，
唉~~~~真係心都慌埋，驚莎莎會因為我既疏忽下出事，
因為之前已經成日聽人講狗狗絕育後因斷線導至死亡既個案，
所以我味更加驚，驚莎莎穿左個肚，驚莎莎有事，
唉~~~好耐都未試過咁慌張
莎莎~~你嚇死我la.........

唔﹗你錫荳荳多D，(偏心)，
莎莎真可憐呀﹗
你個主人冇心肝呀﹗

BB媽 寫到:

唔﹗你錫荳荳多D，(偏心)，
莎莎真可憐呀﹗
你個主人冇心肝呀﹗

咁點算好呀~~
以前就話有人睇住荳荳
我已經星期六日睇實佢架la
但係我又要返工
我都唔想架

睇完都覺得驚......
不過養狗間唔中就會遇到d野嚇親自己，
之後就會更加愛錫佢地架啦，
我年中都嚇唔少啦，
淨係喪跑大埔道、西貢狂奔、暢遊長沙灣已經嚇到無命啦，
呢d就係佢地送比你嘅經歷啦

教主的說話就像慈父一樣
您的孩子真幸福
有時我都覺得阿四好多廢話
但見她晚晚都會噯噯我才去睡
( 因為我懶得去跟她說早呌，我認為是無聊 )
我想我係收貨嘅

冇辦法啦﹗
都要返工先有錢買狗糧架﹗
希望莎莎會知到痛啦﹗

宜家冇事就好啦﹗
我都喺網上面睇唔少呢啲case，
husky係咁架啦﹗
希望莎莎個傷口快啲好返，
咁就可以快啲落嚟一齊玩啦﹗

尋日成日都擔心莎莎係屋企唔知有冇事，
搞到我做野都三魂唔見左七魄，
尋晚放工返到黎，
第一時間除哂莎莎d紗布睇下個傷口，
發現傷口位仍然似水帶濃，
應該已經有細菌入左去，
唯有再帶佢去醫生度，
因為不想再用麻醉藥，
但又要徹徹底底地洗傷口，
所以醫生就叫我要一定要捉實莎莎，
我全程抱實同捉住莎莎，
嘩~~~當時莎莎叫到幾鬼慘呀，
人地唔知以為我地係度 ”湯” 狗添呀，
經醫生詳細檢查後說只是部份線位斷左，
和有發炎現象，洗左傷口應該會冇事，
到呢一刻我先至成個人定返哂，
全程我估大既用左1個鐘，
睇下過2日再有冇事啦。

睇完你編野，
feel 到當時好得人驚，
祝莎莎早日康復。

今晚放工返到黎，
醫生叫我可以拆開莎莎d紗布比個傷口透透氣，
未拆之前已經心知不妙，
因為已經有陣陣的惡臭傳出來，
結果果然報滿了黃膿於傷口，
跟著便是戰鬥的開始，
因為醫生已經給了我一大支洗傷口的藥水，
但今次得我一條友，
所以只可以逐小逐小地幫它清走黃膿，
原本黃膿應該只有開刀的位置有，
但因為第一天莎莎已經將附近的皮膚位置也咬欄了，
所以膿的面積也甚廣，
經過一個多小時的戰鬥後，
將大部分的膿也清洗了，
但是我覺得它傷口內仍然有膿走出來，
所以我再打比醫生問他，
醫生說這種情況他也已經預計了，
叫我再勤力d幫佢洗傷口，
因為如果隔2日都仍然是這樣的話，
就要再次麻醉再做手術了，
但他說今次會比正常情況麻煩很多，
因為它的皮膚因發炎而紅腫了，
令到拆線開隆這步驟困難得多，
所以若果呢2日能夠令它傷口不再留膿的話，
就是最好的方法，
所以真係好睇我點樣照顧它........
唉~~~~點算好呀.......

喂喂,有我哋撑你,努力呀,請會長替莎莎祈禱..

唔駛咁擔心既，你有冇同佢帶燈罩呀？
唔好比佢舔個傷口就會好得快啲架啦﹗
希望莎莎快啲好返啦﹗

點解個醫生冇同莎莎打消炎針，
只係洗傷口唔得喎，
冇理由只係洗傷。

其實唔係唔駛打消炎針，
係因為當我第一次(星期2)帶佢去洗傷口之前，
我已經將傷口位置洗得過了一次才出發，
同埋都是剛剛開始發膿，
所以醫生第一次係睇唔出有幾嚴重，
之後果3天才是多膿既時間，
然而經過我這幾天的努力奮鬥，
差不多每晚放工所有時間和早上出門前的戰斗，
第4日已經是開始埋口及沒有太多膿出現，
而醫生當時(星期六)亦打給我問我情況發展如何，
所以就決定帶它去多一次給醫生看看情況，
當晚醫生亦說它的情況已經好好多，
叫我再加把勁洗傷口就沒有大問題了，
然而星期天整天我也不眠不休的照顧它，
直到今晚雖然還有小小膿出現，
但看到龍精虎猛、充滿了活力及破壞力強的它........
心想幫它包著傷口讓它去公園玩玩應該問題不大吧，
所以今晚(星期一)莎莎終於可以
~~~~~~隆重登場~~~~~~