| 神蹟再次降臨 | |
|
|
發表人 | 內容 |
---|
HUSKY 五級兵
文章總數 : 755 注冊日期 : 2007-12-04
| 主題: 神蹟再次降臨 周五 1月 11, 2008 4:01 pm | |
| LUNCH返到屋企, 一開門HUSKY一支箭咁衝咗出嚟, 我都未知發生乜事, 鎖匙都未抽出嚟就捉返佢, 抱佢返入屋, 但係因為冇手開門, 所以放佢落地稔住一手襟住佢一手開門, 點知警鐘響, 佢又一支箭咁衝咗去對面, 仲推開門入梯樓口, 一路衝呀衝, 我就一直追呀追, 落到樓下咁啱有一對母子開閘, 見到HUSKY就喺度尖叫, 我叫佢哋閂返度閘, 但佢哋就冇理我, 只喺度尖叫, HUSKY就一支箭咁衝咗出街, 我一邊追一邊比人鬧, 但都唔理得咁多, 出咗美居, HUSKY連影都冇, 見啲人既反應, 我就過咗馬路, 不過唔知佢走咗去天悅嗰邊定公園嗰邊, 惟有搏一搏, 沿住去公園既路追, 但沿途見啲人都冇反應, 車房小白又爬喺地下, 有啲懷疑佢既去向, 但都繼續跑啦, 跑到停車場, 唔見, 繼續上, 公園對面爆水喉, 仲噴晒水, 我稔HUSKY都唔會行呢邊, 於是想返轉頭向天悅嗰邊搵, 一邊跑一邊祈禱求天父保護HUSKY, 點知就比我見到HUSKY喺停車場屙緊屎, 佢一見到我, 就走咗去隔離屋村左穿右插, 之後跳咗上停車場側邊啲草叢, 我照跟, 點知就唔見咗佢, 停車場又冇、 足球場又冇, 稔住去公園搵, 點知見到佢喺泳池隔離嗰個長公園仔, 但有2邊出口, 唔知點算好, 於是我企喺其中一邊出口, 咁啱隔住個鐵絲網有隻流浪狗落緊山, 我叫HUSKY去望, 但我一埋去佢就走, 於是我問佢要唔要水水、 要唔要食食, 佢應該口乾, 但我身上面根本冇水, 於是攞咗個佢未見過既袋仔出嚟引佢, 叫佢SIT好, 佢肯SIT, 但我怕我一想捉佢佢會走, 於是我叫佢比HAND HAND, 佢真係肯比, 真好好感動, 我一接過佢隻手就唔肯放啦, 然後抱起佢等救兵, 因為佢身上冇頸繩, 追佢期間HUSKY爸打電話比滑先生, 睇吓滑先生喺唔喺屋企, 又打電話比狗仔屋老細, 狗仔屋個老細即刻趕過嚟幫手, 於是我喺球場外面等狗仔屋老細嚟, 但佢太趕出嚟, 都冇帶頸繩同拖帶, 於是佢就幫我抬HUSKY返屋企, 2個人出晒汗咁, 今朝我仲SET好頭預備今晚見工架﹗ 真係命都冇呀﹗ 原本HUSKY唔肯入屋, 因為佢怕啲警鐘聲, 但我都推佢入屋, 真係要感恩呀﹗ 「當信主耶穌,你和你一家都必得救﹗」 如果唔係天父,HUSKY一早就死鬼咗, 返到屋企我仲细HUSKY一齊祈禱多謝天父添﹗ 當然仲要好多謝狗仔屋個老細—光頭仔呀﹗ | |
|
| |
花生 四星級會員
文章總數 : 121 注冊日期 : 2007-12-05
| 主題: 回復: 神蹟再次降臨 周五 1月 11, 2008 5:04 pm | |
| 嘩!! 好危險呀. 看來HUSKY今晚再次俾監禁同俾獄長罰LA. | |
|
| |
HUSKY 五級兵
文章總數 : 755 注冊日期 : 2007-12-04
| 主題: 回復: 神蹟再次降臨 周五 1月 11, 2008 9:08 pm | |
| 我真係以為今次冇緊架啦﹗ 不過我相信husky會繼續走路, 睇怕都改唔到… | |
|
| |
花生 四星級會員
文章總數 : 121 注冊日期 : 2007-12-05
| |
| |
BB媽 二級兵
文章總數 : 408 注冊日期 : 2007-12-06
| |
| |
~荳莎姊妹花~ 五星級會員
文章總數 : 226 注冊日期 : 2007-12-08
| 主題: 回復: 神蹟再次降臨 周六 1月 12, 2008 1:09 pm | |
| 睇你篇文都睇到心驚驚 每每祈求下一句的文字不是有什麼意外發生 在這裡只能向你說一句 "願主保佑你們" | |
|
| |
BB媽 二級兵
文章總數 : 408 注冊日期 : 2007-12-06
| 主題: 回復: 神蹟再次降臨 周六 1月 12, 2008 10:00 pm | |
| | |
|
| |
HUSKY 五級兵
文章總數 : 755 注冊日期 : 2007-12-04
| 主題: 回復: 神蹟再次降臨 周一 1月 14, 2008 11:57 am | |
| 佢對警鐘啲反意大得好緊要呀﹗ 先排出一丁個廣告有一段鬧鐘聲, 佢又嚇到失咗控, 尋晚電視播嗰個大廈定期檢查警鐘個廣告, 佢又嚇到四圍搵地方捐呀﹗ 睇見佢咁大隻狗都咁細膽, 就覺得佢好可憐, 最慘係EAGLE見佢咁就係咁追住佢嚟吠同咬, 場面真係幾混亂架﹗ | |
|
| |
HUSKY 五級兵
文章總數 : 755 注冊日期 : 2007-12-04
| 主題: 回復: 神蹟再次降臨 周一 1月 14, 2008 12:27 pm | |
| - BB媽 寫到:
- 花生 寫到:
- HUSKY 寫到:
- 我真係以為今次冇緊架啦﹗
不過我相信husky會繼續走路, 睇怕都改唔到… 係呀. HUSKY今次真係好好彩. 不過佢都唔覺得今次危險所以佢會繼續走路. 你會唔會考慮第日間新屋加一個鐵欄,以後你午飯返屋企冇噤危險(走老)。 新屋後樓梯好實架﹗ 應該冇咁容易走到出去, 宜家美居既後樓梯成日都閂唔埋, 因為有氣流會令到個防煙門自己打開, 所以HUSKY好容易走到, 總之我以後開門都會小心啲… | |
|
| |
HUSKY 五級兵
文章總數 : 755 注冊日期 : 2007-12-04
| 主題: 回復: 神蹟再次降臨 周一 1月 14, 2008 12:30 pm | |
| - 魔荳髮型師 寫到:
- 睇你篇文都睇到心驚驚
每每祈求下一句的文字不是有什麼意外發生 在這裡只能向你說一句 "願主保佑你們" 多謝荳爸﹗ HUSKY總係令人擔心到死, 唔危險既嘢佢唔做架﹗ | |
|
| |
BB媽 二級兵
文章總數 : 408 注冊日期 : 2007-12-06
| 主題: 回復: 神蹟再次降臨 周一 1月 14, 2008 1:24 pm | |
| - HUSKY 寫到:
- 佢對警鐘啲反意大得好緊要呀﹗
先排出一丁個廣告有一段鬧鐘聲, 佢又嚇到失咗控, 尋晚電視播嗰個大廈定期檢查警鐘個廣告, 佢又嚇到四圍搵地方捐呀﹗ 睇見佢咁大隻狗都咁細膽, 就覺得佢好可憐, 最慘係EAGLE見佢咁就係咁追住佢嚟吠同咬, 場面真係幾混亂架﹗ 應該唔係細膽這麼簡單喎﹗ 可能每次走老,都因為聽到一些聲音令牠不舒服, 找些資料望望分析一下好喎﹗ | |
|
| |
HUSKY 五級兵
文章總數 : 755 注冊日期 : 2007-12-04
| 主題: 回復: 神蹟再次降臨 周三 1月 16, 2008 9:53 am | |
| 其實最慘係有啲聲係狗聽到而人係聽唔到, 所以有時真係唔知點去分辨, 而每次喺公園放狗時間佢走路, 都唔似係嚇親既反應, 而係貪玩多, 總之呢個仔真總係要人擔心… | |
|
| |
潛水喱 四星級會員
文章總數 : 108 注冊日期 : 2007-12-12
| 主題: 回復: 神蹟再次降臨 周三 1月 16, 2008 12:57 pm | |
| 應該放個追蹤器在Husky身上面.. 咁走去邊到搵到 | |
|
| |
BB媽 二級兵
文章總數 : 408 注冊日期 : 2007-12-06
| 主題: 回復: 神蹟再次降臨 周三 1月 16, 2008 1:18 pm | |
| - 潛水喱 寫到:
- 應該放個追蹤器在Husky身上面..
咁走去邊到搵到 加年返光衣好D喎﹗走出馬路司機都睇到佢呀﹗ | |
|
| |
HUSKY 五級兵
文章總數 : 755 注冊日期 : 2007-12-04
| 主題: 回復: 神蹟再次降臨 周四 1月 17, 2008 11:38 am | |
| 狗仔屋個老細都有提議我加個追蹤器, 不過得一百米範圍, 佢今次離家出走都唔只一百米啦﹗ 唉…唔走都走咗三年, 睇吓佢自己既造化… | |
|
| |
~荳莎姊妹花~ 五星級會員
文章總數 : 226 注冊日期 : 2007-12-08
| 主題: 回復: 神蹟再次降臨 周四 1月 17, 2008 12:01 pm | |
| 教識佢聽電話味得囉 走到咁鬼遠 打電話call佢返黎啦 哈哈哈~ | |
|
| |
HUSKY 五級兵
文章總數 : 755 注冊日期 : 2007-12-04
| 主題: 回復: 神蹟再次降臨 周四 1月 17, 2008 1:55 pm | |
| 佢係肯返就唔駛搵漁農處捉狗隊幫手啦﹗ | |
|
| |
BB媽 二級兵
文章總數 : 408 注冊日期 : 2007-12-06
| |
| |
| 神蹟再次降臨 | |
|