HUSKY 五級兵
文章總數 : 755 注冊日期 : 2007-12-04
| 主題: 咩服務態度呀? 周三 1月 02, 2008 10:54 am | |
| 尋日一朝早起身行山, 乜都冇落過肚, 早餐同午餐只係食咗幾粒樂天熊仔餅, 能夠完成四個幾鐘頭行程已經係奇跡, 喺得返半條人命之下, 晚餐去咗吉野家, EAGLE爸稔住食返個暖笠笠既肥牛火煱補返吓, 咁啱隔離枱個女仔又係叫火煱, 火煱就到咗, 但冇人攞個爐比佢同埋幫佢點火, 於是佢走出去收銀到問, 收銀叫咗個實習生嚟點火, 相信呢個妹妹仔係啱啱出嚟做嘢, 黑口黑面攞個爐比個女仔, 以下係佢哋既對話: 妹妹仔:你下次自己點呀﹗ 客人:吓?﹗ 妹妹仔:你下次自己點呀,我唔會幫你點架﹗ 客人:你同我講嘢? 妹妹仔:唔係,我自言自語之嘛﹗ 客人:你叫我自己點?我點樣點呀? 此時HUSKY媽同EAGLE爸加電車男三個人望住, 好奇怪點解個妹妹仔咁講嘢, 隔離枱個客人都好愕然… HUSKY媽:佢2個識架? EAGLE爸:唔知喎﹗ 妹妹仔:望咩呀望﹗ 於是妹妹仔就行開咗, 客人同EAGLE爸對望, 大家都好迷惘發生緊咩事… EAGLE爸:死囉﹗我都係叫火煱喎﹗ 客人:哈哈哈,你自己點囉﹗ HUSKY媽:嘩﹗咩服務態度嚟架? 客人:係啦﹗咁都得呀﹗ 2枱:哈哈哈 妹妹仔路過:哈哈哈(冷笑) 2枱:滴晒汗… 收銀:421號票請到櫃位 EAGLE爸:我想問有冇爐架? 收銀想叫妹妹仔… EAGLE爸:你唔好叫佢呀﹗我驚比佢鬧呀﹗ 收銀:咁我搵第二個幫你啦﹗ 於是叫咗另一個女仔… 女仔:吓?乜我又可以點火咩?我放工啦喎﹗ 此時咁啱經理出嚟 EAGLE爸:經理,我想問有冇人幫我點火架? 經理:有,你等等(又想叫妹妹仔) EAGLE爸:經理,唔好叫佢呀﹗佢會鬧人架﹗唔信你問吓嗰個女仔(客人) 經理:吓? EAGLE爸:經理,不如你幫我點啦﹗ 經理:得得得… 經理:唔好意思呀咁多位﹗ 客人:唔緊要﹗我哋好奇怪點解佢咁講嘢啫﹗ 經理:唔好意思,我會話吓佢﹗ 經理捉個女仔入廚房一段時間, 2枱繼續討論呢個妹妹仔既服務態度, 片刻,經理出嚟搵客人… 經理:唔好意思﹗我哋已經即時解僱咗佢﹗ 客人:吓﹗唔駛咁大件事嘛﹗ EAGLE爸:嘩﹗一陣出去會唔會比人打架? 經理:唔好意思﹗送返張COUPON比你﹗ 客人:唔駛啦﹗不過佢冇理由咁樣講嘢囉﹗ 經理:你收咗佢啦﹗我都要教我既下屬既… 客人:我都驚比人打咋﹗你送埋COUPON比隔離枱啦﹗佢哋都係受害者﹗ 經理:得得得,冇問題﹗ 於是呢餐飯除咗好好笑之外, 我哋又賺咗2碗細牛飯啦﹗ | |
|
花生 四星級會員
文章總數 : 121 注冊日期 : 2007-12-05
| 主題: 回復: 咩服務態度呀? 周三 1月 02, 2008 12:36 pm | |
| Actually 吉野家既肥牛火煱我都食過,同你地一樣, 冇人點火咖. 問在好耐先有人過來點火...肥牛火煱唔係特別好食, 所以食過唔會再食. | |
|
BB媽 二級兵
文章總數 : 408 注冊日期 : 2007-12-06
| 主題: 回復: 咩服務態度呀? 周三 1月 02, 2008 1:11 pm | |
| Eagle 爸你個樣成日都係綱上見到,你小心D呀﹗ | |
|
落閘放狗滑先生 五星級會員
文章總數 : 256 注冊日期 : 2007-12-06
| 主題: 回復: 咩服務態度呀? 周三 1月 02, 2008 7:37 pm | |
| 相信妹妹仔亦係博炒feel,你叫佢點佢覺得比人點,係咁架喇,未知揾食艱難,大家亦曾年輕過,原諒他吧! | |
|
~荳莎姊妹花~ 五星級會員
文章總數 : 226 注冊日期 : 2007-12-08
| 主題: 回復: 咩服務態度呀? 周三 1月 02, 2008 8:52 pm | |
| - 花生 寫到:
- Actually 吉野家既肥牛火煱我都食過,同你地一樣, 冇人點火咖. 問在好耐先有人過來點火...肥牛火煱唔係特別好食, 所以食過唔會再食.
但係 我覺得真係好奇怪囉 食火煱冇人點火 唔通個個都帶住個打火機出街人個咩 等我下次又去試下先~~~ | |
|
魔牧教教主 五星級會員
文章總數 : 195 注冊日期 : 2007-12-06
| 主題: 回復: 咩服務態度呀? 周四 1月 03, 2008 12:34 am | |
| 我都覺得佢係博炒唔想撈,幫一幫手,舉手之勞啫 我又有jetso,大家都開心 | |
|
HUSKY 五級兵
文章總數 : 755 注冊日期 : 2007-12-04
| 主題: 回復: 咩服務態度呀? 周四 1月 03, 2008 9:25 am | |
| 咁我又真係冇稔過會即時解僱咁大獲, 但我覺得要教訓下佢囉﹗ 初出茅爐就咁既樣, 將來會變成點呢? 今次好彩遇到我哋啫, 遇到其他惡霸仲唔即場吵大獲, 比人罵都罵死啦﹗ 點會好似我哋咁笑騎騎放毒蛇呀﹗ | |
|